చెన్నై :
చెన్నై నగరంలో మరో దారుణం చోటుచేసుకుంది. బైక్ ట్యాక్సీ డ్రైవర్‌ ఒక మహిళపై లైంగిక దాడికి పాల్పడిన ఘటన ఆలస్యంగా వెలుగులోకి వచ్చింది. ఈ ఘటన నగరంలో కలకలం రేపింది.
స్నేహితురాలి ఇంటి నుంచి తిరుగు ప్రయాణంలో ఘటన
పక్కికరనై ప్రాంతానికి చెందిన 22 ఏళ్ల యువతి సోమవారం రాత్రి తన స్నేహితురాలిని కలిసేందుకు బైక్ ట్యాక్సీ బుక్‌ చేసుకుంది. డ్రైవర్‌గా వచ్చిన శివకుమార్‌ను తిరుగు ప్రయాణం కోసం కూడా వేచి ఉండమని కోరింది. మంగళవారం ఉదయం ఆమెను ఇంటికి తీసుకువస్తున్న క్రమంలో శివకుమార్ ఉద్దేశపూర్వకంగా బైక్‌ను నిర్మానుష్య ప్రాంతంలోకి మళ్లించాడు.
బెదిరించి అఘాయిత్యం
అక్కడ యువతిని బెదిరించి లైంగిక దాడికి పాల్పడ్డాడు. అనంతరం ఆమెను ఇంటి వద్ద దించి పరారయ్యాడు. బాధితురాలు భయంతో తడబడి తన భర్తకు వివరించగా, వెంటనే పోలీసులు చేరుకున్నారు.
తక్షణ చర్యలతో నిందితుడి అరెస్ట్‌
బాధితురాలి ఫిర్యాదు మేరకు వనగరం పోలీసులు కేసు నమోదు చేసి, నిందితుడు శివకుమార్‌ను అరెస్ట్‌ చేశారు. అతడిని కోర్టులో హాజరుపరచగా, న్యాయమూర్తి జ్యుడీషియల్‌ రిమాండ్‌ విధించారు. నిందితుడి బైక్‌ను పోలీసులు స్వాధీనం చేసుకున్నారు.
ప్రతిపక్షాల ఆగ్రహం – ప్రభుత్వ వివరణ
తమిళనాడులో మహిళలపై లైంగిక నేరాలు పెరుగుతున్నాయంటూ ప్రతిపక్షాలు ఆగ్రహం వ్యక్తం చేస్తున్నాయి. అయితే డీఎంకే ప్రభుత్వం, రాష్ట్ర పోలీసులు ఆరోపణలను ఖండిస్తూ—నేరస్థులపై కఠిన చర్యలు తీసుకుంటున్నామని, విచారణ వేగవంతం చేసి బాధితులకు త్వరగా న్యాయం చేయనున్నామని వెల్లడించారు.
Telugunadu.com is a dedicated Telugu news platform that delivers comprehensive coverage of events and developments in Andhra Pradesh and Telangana. The website serves as a reliable source for breaking news, regional updates, and political developments, with a particular focus on Telugu Desam Party activities. Telugunadu.com aims to keep its readers informed with accurate and timely updates on the two Telugu states.