ఉత్తరాఖండ్ :
ఉత్తరాఖండ్లోని రుద్రప్రయాగ్, చమోలీ జిల్లాల్లో క్లౌడ్బస్ట్ తో కుంభవృష్టి కురిసింది. దీంతో భారీ స్థాయిలో అక్కడ వరద, బురద పొంగిపొర్లింది. దీని వల్ల వందల సంఖ్యలో కుటుంబాలు ఆ శిథిలాల్లో చిక్కుకున్నారు. అనేక మంది ట్రాప్ అయినట్లు శుక్రవారం అధికారులు తెలిపారు. బుస్కేదర్ తహసిల్లోని బరేత్ దుంగర్ టోక్తో పాటు చమోలీలోని దేవల్ ప్రాంతంపై తీవ్ర ప్రభావం పడింది.క్లౌడ్బస్ట్కు చెందిన విషయాన్ని ఉత్తరాఖండ్ సీఎం పుష్కర్ సింగ్ థామీ కన్ఫర్మ్ చేశారు. జిల్లా యంత్రాంగం యుద్ధ ప్రాతిపదికన రిలీఫ్, రెస్క్యూ ఆపరేషన్స్ చేపట్టినట్లు తెలిపారు. అధికారులతో నిత్యం టచ్లో ఉన్నట్లు చెప్పారు. బరేత్ దుంగర్ టోక్, దేవల్ ప్రాంతాల్లో శిథిలాల ప్రవాహంలో కొన్ని కుటుంబాలు చిక్కుకున్నట్లు సీఎం థామి తన ప్రకటనలో తెలిపారు.కుంభవృష్టి తర్వాత ఇద్దరు అదృశ్యమైనట్లు జల్లా మెజిస్ట్రేట్ సందీప్ తివారీ తెలిపారు. డజన్ల సంఖ్యలో జంతువులు శిథిలాల్లో చిక్కుకున్నట్లు చెప్పారు. భారీ వర్షాల వల్ల అనేక చోట్ల రోడ్లను మూసివేశారు. ప్రభావిత ప్రాంతాల్లో ఎమర్జెన్సీ బృందాలను ఏర్పాటు చేశారు.
Telugunadu.com is a dedicated Telugu news platform that delivers comprehensive coverage of events and developments in Andhra Pradesh and Telangana. The website serves as a reliable source for breaking news, regional updates, and political developments, with a particular focus on Telugu Desam Party activities. Telugunadu.com aims to keep its readers informed with accurate and timely updates on the two Telugu states.