కేర్ బంజారాలో అరుదైన ఘనత – ఒక్క సర్జన్, 8 గంటల్లో 17 కీళ్ల మార్పిడి శస్త్రచికిత్సలు

అరుదైన అధిక-పరిమాణ శస్త్రచికిత్స విజయంతో, డాక్టర్ సంజిబ్ బెహెరా నేతృత్వంలో బంజారా హిల్స్‌లోని కేర్ హాస్పిటల్స్‌ను భారతదేశంలోని అగ్రశ్రేణి ఆర్థోపెడిక్ కేంద్రాలలోకి నడిపించారు

హైదరాబాద్ :

బంజారాహిల్స్‌లోని కేర్ హాస్పిటల్స్‌లో అరుదైన ఘనత నమోదైంది. ప్రముఖ ఆర్థోపెడిక్ సర్జన్ డాక్టర్ సంజిబ్ కుమార్ బెహెరా ఒకే రోజు, ఒకే వేదికపై 17 కీళ్ల మార్పిడి శస్త్రచికిత్సలు విజయవంతంగా నిర్వహించారు. ఉదయం 8 గంటల నుంచి సాయంత్రం 4 గంటల వరకు మొత్తం 8 గంటల వ్యవధిలో ఈ శస్త్రచికిత్సలు పూర్తయ్యాయి. ఇవన్నీ ఒక్క డాక్టరే చేపట్టడం ప్రత్యేకతగా నిలిచింది. దేశవ్యాప్తంగా ఉన్న ఆర్థోపెడిక్ కేంద్రాల్లో కూడా ఇటువంటి అధిక పరిమాణ శస్త్రచికిత్సలు ఒకే సర్జన్ చేయడం చాలా అరుదుగా చూస్తాం.

ఈ విజయంతో కేర్ బంజారా హాస్పిటల్స్ క్లినికల్ నాణ్యత, ప్రతిభ, సామర్థ్యాలను మళ్లీ నిరూపించుకుంది. దేశంలోనే అగ్రశ్రేణి మస్క్యులోస్కెలెటల్ కేర్ అందించే ఆసుపత్రుల సరసన నిలిచింది.

ఈ సందర్భంగా బంజారా హిల్స్‌లోని కేర్ హాస్పిటల్స్‌ ఆర్థోపెడిక్ మరియు జాయింట్ రీప్లేస్‌మెంట్ సర్జరీ విభాగం క్లినికల్ డైరెక్టర్ & హెచ్‌ఓడి డాక్టర్ సంజిబ్ కుమార్ బెహెరా మాట్లాడుతూ, “ఇది సంఖ్యల కోసం పోటీ కాదు. కేర్ బంజారాలో ఉన్న బలమైన వ్యవస్థ, అనుభవజ్ఞులైన వైద్య బృందం మద్దతుతో, అధిక వాల్యూమ్‌ని సైతం నాణ్యతతో నిర్వహించగలమన్నది మా లక్ష్యం. ఈ విజయం అన్ని విభాగాల సహకారంతో సాధ్యమైంది.” అని చెప్పారు.

ఈ ఘనతతో, కేర్ బంజారా హాస్పిటల్స్ శస్త్రచికిత్సకు ముందు, తరువాత పద్ధతుల్లోనూ, క్లినికల్ ప్రోటోకాల్స్ లోనూ మెరుగైన ప్రమాణాలను పాటిస్తున్నదన్న విషయం మరోసారి స్పష్టం అయింది.

కేర్ హాస్పిటల్స్ జోనల్ సీఓఓ బిజు నాయర్ మాట్లాడుతూ, “ఇది కేవలం వైద్య కృతికౌశల్యం మాత్రమే కాదు, కేర్ బంజారాలో జరుగుతున్న లోతైన మార్పుల సూచిక కూడా. మా వైద్య బృందాలు సమష్టిగా పనిచేస్తూ, వేగవంతమైన సేవ, నాణ్యమైన ఫలితాల కోసం కృషి చేస్తున్నాయి. కేర్ బంజారాను ఒక నమ్మదగిన శస్త్రచికిత్స కేంద్రంగా మారుస్తున్నాం.” అని తెలిపారు.

ఈ తరహా ఘనతలు దేశవ్యాప్తంగా ఉన్న ఉన్నత శ్రేణి వైద్య సంస్థల్లో కేర్ హాస్పిటల్స్ బంజారాకు ప్రత్యేక గుర్తింపును తెచ్చిపెడుతున్నాయి. సామర్థ్యం, స్థిరత, స్పష్టమైన దిశలో నడిచే నాయకత్వం, ఇవన్నీ కలిసే ఈ విజయానికి బలమైన ఆధారాలు.