హైదరాబాద్‌లో ఉత్తరప్రదేశ్ ఇంటర్నేషనల్ ట్రేడ్ రోడ్‌షో

హైదరాబాద్ :

ఉత్తరప్రదేశ్ ఇంటర్నేషనల్ ట్రేడ్ షో 2025 కోసం అవగాహన కల్పించేందుకు అంతర్జాతీయ స్థాయిలో నిర్వహిస్తున్న రోడ్‌షో కార్యక్రమాలలో భాగంగా రెండో ఎడిషన్‌ను హైదరాబాద్‌లోని FTCCI ప్రాంగణంలో నిర్వహించారు.ఢిల్లీ తర్వాత రెండో రోడ్‌షోగా నిలిచిన ఈ కార్యక్రమంలో 150 మందికి పైగా పరిశ్రమల ప్రతినిధులు, ఎగుమతిదారులు, సోర్సింగ్ కన్సల్టెంట్లు, వ్యాపార సంఘాలు పాల్గొన్నారు. ఇది 2025 సెప్టెంబర్ 25 నుంచి 29 వరకు గ్రేటర్ నోయిడాలో జరగనున్న UPITS 2025 షోకు మద్దతుగా, ఉత్తరప్రదేశ్ సామర్థ్యాన్ని దేశవ్యాప్తంగా పరిచయం చేయడమే లక్ష్యంగా సాగింది.ఈ కార్యక్రమానికి ముఖ్య అతిథిగా రాకేష్ సచన్, క్యాబినెట్ మంత్రి — ఎంఎస్ఎంఈ, ఖాదీ మరియు గ్రామీణ పరిశ్రమలు, సిరికల్చర్, హ్యాండ్లూమ్ & టెక్స్టైల్, ఉత్తరప్రదేశ్ ప్రభుత్వం హాజరయ్యారు.ఆయనతో పాటు రాజ్ కమల్ యాదవ్ , అదనపు కమిషనర్ — పరిశ్రమలు, సురేష్ కుమార్ సింఘాల్, FTCCI అధ్యక్షులు,  ఆర్. రవికుమార్, FTCCI సీనియర్ వైస్ ప్రెసిడెంట్ మరియు సుదీప్ సర్కార్, CEO, ఇండియా ఎక్స్పోసిషన్ మార్ట్ లిమిటెడ్ (IEML) హాజరయ్యారు.  రాకేష్ సచన్ మాట్లాడుతూ, “ఉత్తరప్రదేశ్ ప్రస్తుతం దేశ అభివృద్ధికి ఇంధనంగా మారింది. ఇది పరిశ్రమలు, MSMEs, కళాకారులు, యువతకు ప్రపంచ వేదికను అందిస్తోంది. UPITS ప్లాట్‌ఫామ్ ద్వారా ODOP ఉత్పత్తులు, హ్యాండ్లూమ్, ఫుడ్ ప్రాసెసింగ్, EVs, రిన్యూవబుల్ ఎనర్జీ వంటి రంగాలలో ఉన్న సామర్థ్యాన్ని ప్రదర్శిస్తున్నాం,” అన్నారు.  రాజ్ కమల్ యాదవ్ మాట్లాడుతూ, “UPITS 2025 భారతదేశంలో ఏ రాష్ట్రం నిర్వహించిన తొలి అంతర్జాతీయ ట్రేడ్ ఫెయిర్. గత ఏడాది ఈ వేదిక ద్వారా ₹500–₹600 కోట్లు విలువైన వ్యాపారం స్థానిక కళాకారులకు లభించింది. ఒక కళాకారుడికి ప్రముఖ సంస్థ తనిష్క్ నుంచి ఆర్డర్ రావడం ఇందుకు నిదర్శనం.”FTCCI అధ్యక్షుడు  సురేష్ కుమార్ సింఘాల్ మాట్లాడుతూ, UP ప్రభుత్వం తీసుకుంటున్న ఉమ్మడి ప్రదర్శనల ద్వారా దేశవ్యాప్తంగా వ్యాపారవృద్ధికి సహకారం అందుతుందని తెలిపారు.