విజయ్ రూపానీ ఇక లేరు… మోదీ కన్నీటి ఘడియలు

అహ్మదాబాద్ :
గతంలో కలిసి ఎన్నో సభలు మళ్లీ జరగవు. జ్ఞాపకాలే ఇప్పుడు బతుకులా మిగిలిపోయాయి. గుజరాత్‌ పుట్టిన గొప్ప నేతల్లో ఒకరైన విజయ్ రూపానీ ఇక లేరన్న వార్త… ప్రధానమంత్రి నరేంద్ర మోదీ గుండెను పిండేసింది. ఒక్క మాటలో చెప్పాలంటే — ఆయన కన్నీళ్లతో తడుస్తున్నాయి గుర్తులు, మాటలు, క్షణాలు.

గురువారం మధ్యాహ్నం అహ్మదాబాద్ నుంచి లండన్‌కు బయలుదేరిన ఎయిర్ ఇండియా విమానం… 242 మంది ఆశలతో, లక్ష్యాలతో నిండిన ప్రయాణం… టేకాఫ్ అయిన కొద్ది నిమిషాల్లోనే ఆకాశం దగ్ధమైంది. ఆ నిమిషాల్లో జీవితం బిగుసుకుపోయింది.
ఆ విమానంలో ఉన్నవారిలో ఒకరు గుజరాత్ మాజీ సీఎం విజయ్ రూపానీ. ఇక ఆయన… తిరిగిరావు. మిగిలింది శూన్యం.

శుక్రవారం ఉదయం నరేంద్ర మోదీ అహ్మదాబాద్‌కు చేరుకున్నారు. రూపానీ కుటుంబాన్ని పరామర్శించేందుకు వెళ్లిన మోదీ ముఖంలో ఆవేదన స్పష్టంగా కనిపించింది.
“విజయ్‌భాయ్ ఇక లేరన్న విషయాన్ని జీర్ణించుకోలేకపోతున్నాను. అనేక యుద్ధాల్ని కలసి పోరాడాం. పార్టీ కోసం, ప్రజల కోసం, గుజరాత్ కోసం!” అంటూ ఆయన ఎక్స్‌ (పూర్వం ట్విట్టర్) వేదికగా భావోద్వేగంగా స్పందించారు.

మొదటికీ చివరివరకూ — విజయ్ రూపానీ వ్యక్తిత్వం నిరాడంబరత, నిబద్ధత, ప్రజాప్రేమ. పార్టీలోనే కాదు, పాలనలోనూ ఆయన మానవీయత ప్రతిబింబించింది. మున్సిపల్‌ కార్పొరేషన్‌ నుంచే రాజ్యసభ, కేబినెట్‌, సీఎం స్థాయికి ఎదిగినా… ఒక్క పాదం నేలమీదే పెట్టారు.

“విజయ్‌భాయ్‌తో కలిసి పనిచేసిన రోజులు, క్షణాలు జీవితాంతం గుర్తుంటాయి” అని మోదీ భావోద్వేగపూరితంగా గుర్తుచేశారు. ముఖ్యమంత్రిగా ఆయన చేపట్టిన ‘ఈజ్ ఆఫ్ లివింగ్’ ఉద్యమాన్ని ప్రత్యేకంగా ప్రస్తావించారు.